mércores, 28 de decembro de 2016
venres, 23 de decembro de 2016
xoves, 15 de decembro de 2016
mércores, 14 de decembro de 2016
Xardíns de Lourizán - Árbores Senlleiras
Inclúe as árbores senlleiras e singulares do Pazo.
domingo, 11 de decembro de 2016
sábado, 10 de decembro de 2016
venres, 2 de decembro de 2016
1ª saída do Proxecto Ríos - Reparto das árbores collendo unha das súas follas
Esta foi a 1ª saída do noso Proxecto Ríos. Comezamos descubrindo os nomes das árbores que temos no cole. Cada alumno/a tivo que aprender o nome dunda delas. Se tiña folla collía unha para logo secar e ver se nos queda ben para facer o noso "1º Herbario das follas das árbores do cole". Ó ser decembro, o freixo e o magnolio xa non tiñan folla, por ser árbores de folla caduca. O liquidambar estaba lucindo as súas cores de outono, axiña lle caerán todas, ata que volvan a brotar na primavera. Como curiosidade especial poidemos ver por 1ª vez o froito da "Aucuba" ou tamén chamado "Loureiro manchado", cos seus froitos vermellos. Xa temos 18 árbores localizadas. Aínda quedan unhas poucas. Ver plano de situación das árbores - Xoga para coñecer mellor as árbores - Ver máis fotos
mércores, 16 de novembro de 2016
luns, 14 de novembro de 2016
Planos de Pontevedra
sábado, 29 de outubro de 2016
"Butiá" , "Coquinho" - Documentário Amamos Butiá
Nos Xardíns de Vicente (Palmeiras de Pontevedra) podemos atopar este "coquinho de butía". Froito dun tipo de Palmeira, coñecida como "Palmeira de Butiá". As populações naturais dessas palmeiras são denominadas butiazais ou palmares. Na Galiza pódese recoller o froito en outubro e novembro.
"Planta nativa do Rio Grande do Sul, o butiazeiro integra a lista de espécies ameaçadas de extinção no Estado"
De seus frutos, alaranjados, se faz geleia, licor, cachaça e vinagre, e das sementes, comestíveis, se extrai óleo. Também é conhecida pelos nomes de butiá-açu, butiá-azedo, butiá-branco, butiá-da-praia, butiá-de-vinagre, butiá-do-campo, butiá-miúdo, butiá-roxo, butiazeiro, cabeçudo, coqueiro-azedo, guariroba-do-campo e palma-petiza. Segundo a crença de algumas tribos indígenas brasileiras, o butiazeiro é uma árvore sagrada.
domingo, 25 de setembro de 2016
Tumbo serrano - Passiflora tripartita
Tumbo serrano - Passiflora tripartita. Tamén coñecida como curuba, tumbo ou poro poro, é unha trepadora da familia das pasifloráceas. É nativa dos Andes.
Lanzones - Lansium domesticum
Momordica charantia
xoves, 16 de xuño de 2016
sábado, 7 de maio de 2016
O cuco
O cuco-''Cuculus canorus''. Sen dúbida unha das aves mais caracteristicas dos bosques galegos. E que ten sitio na cultura popular Galega.
"Cando o cuco cucar e a rula rular colle o saco e Ponte a sementar".
" Cando canta o cuco ven o pan ó suco".
luns, 18 de abril de 2016
Paletaina - Parietaria - Herba das Paredes - Parietaria officinalis L.
Outros nomes: Herba apegalosa, albahaca de río, caracolera ,,,
Virtudes: As súas calidades son principalmente diuréticas e emprégase nos casos de cálculos renais ou vesiculares, así como na cistitis, ou nas retencións de ouriños.
As virtudes da parietaria son coñecidas desde a antiguedade: Plinio o Vello, no século I, relata a eficacia desta planta no tratamento dun escravo que se caeu desde o alto dun muro.
Emoliente e depurativa, é máis activa cando se utiliza fresca; seca perde parte das súas calidades, a menos que se garde nun tarro pechado hermeticamente.
A presenza de salitre na planta aconsella conservala en lugar seco en evitación de fermentacións prexudiciais.
Co fin de facer máis aceptable o sabor desagradable das infusións e decoccións, que non a todos pode resultar tolerante, aconséllase engadir unhas pingas de zume de limón ou de laranxa, ou ben un pedacito de cortiza dun dos dous froitos indicados.
Partes utilizadas: Parte aérea da planta, follas peladas, mollo; secado rápido á sombra.
Compoñentes activos: Nitrato potásico, calcio, pigmentos flavónicos, xofre, mucílago, e outras sustancias ata agora descoñecidas.
Propiedades: Diurético,depurativo, emoliente, refrescante.
xoves, 14 de abril de 2016
A Farga de Arion, oliveira de 1701 anos
A Farga de Arion, en Ulldecona, foi plantada alá polo ano 314, en tempos do emperador Constantino I (306-337 dC.). Un estudo da Universidade Politécnica de Madrid (UPM), dirixido polo catedrático de Dasometría da Escola Técnica Superior de Enxeñeiros de Montes, Forestais e de Medio Natural, Antonio Prieto, determinou que a famosa oliveira ten unha idade estimada de 1.701 anos.
A oliveira monumental de Ulldecona é a árbore datada máis antigo da Península e está así mesmo entre os máis vellos de todo o mundo, segundo revela esta investigación.
A Farga do Pou do Mais, que se atopa na Jana (Castelló), conta cunha idade estimada de 1.182 anos e sería plantado no 833, durante o emirato de Abderramán II (822 a 852 dC.).
Os traballos de datación centráronse no estudo do perímetro do tronco das árbores a 50 centímetros do chan e, con telemetría láser, levantouse a sección que permitiu efectuar os cálculos específicos para coñecer a idade da árbore. Un procedemento que se utilizou como alternativa a outros métodos, como o carbono 14 ou a medición dos aneis de crecemento, que non se puideron aplicar neste proxecto.
O Territorio do Sénia, formado por 27 pobos valencianos, cataláns e aragoneses, conserva a maior concentración de oliveiras monumentais do mundo: 4.798 de máis de 3,50 metros de perímetro de tronco a 1,30 metros do chan, repartidos por 22 pobos.
Sacado e traducido de ABC
Sacado e traducido de ABC
mércores, 13 de abril de 2016
luns, 4 de abril de 2016
Ajuga reptans var. lerezana.
"O investigador pontevedrés Jaime Bernardo Blanco-Dios descubriu a beiras do río Lérez exemplares dunha nova variedade de flor descoñecida ata o momento.
Trátase dunha variedade de Ajuga reptans, planta moi frecuente en Galicia, pero que nesta ocasión caracterízase por presentar flores de cor rosa, en lugar de azuis como na variedade típica.
Esta flor foi localizada nas parroquias do Campo, en Campo Lameiro, e nas de Lérez e Mourente, en Pontevedra.
Dada a singularidade da flor, será descrita como variedade nova para a ciencia no número do mes de maio da revista especializada Bouteloua, explica o investigador pontevedrés, co nome de Ajuga reptans var. lerezana.
Blanco-Dios atopou con anterioridade outras novas variedades de flor na comarca, como recentemente ocorreu cun narciso (Narcissus bulbocodium)" . (Pontevedra Viva)
venres, 1 de abril de 2016
luns, 28 de marzo de 2016
Narciso bulbocodium Var. biflorus Blanco Dios
"O investigador pontevedrés Jaime Bernardo Blanco-Dios atopou un descubrimento interesante para a ciencia internacional en canto a especies botánicas. Entre os meses de xaneiro e marzo de 2015 e de 2016 logrou distinguir na contorna do barrio de San Brais en Salcedo numerosos exemplares dunha variedade de narciso nova para o mundo cientifíco.
Trátase dunha variedade de Narcissus bulbocodium L., especie abundante no sur e oeste de Francia e que tamén se pode observar en case toda a Península Ibérica e no Norte de África. Sempre se presenta con flores solitarias. Con todo, a nova variedade atopada en Pontevedra mostra dúas flores en cada escapo, o que a converte en única no mundo.
Ante esta singular característica, será descrita como variedade nova nunha revista especializada na que figurará como Narcissus bulbocodium var. biflorus Blanco-Dios, empregando o apelido do seu descubridor"
luns, 21 de marzo de 2016
Aberiotas - Romulea bulbocodium
Fotografías sacadas en marzo en Montalvo, preto da praia.
O significado de bulbocodium é "bulbo lanoso" (wooly bulb).
A aberiota florece dende febreiro ata abril. Olen.
Son semellantes ós tollemerendas (Merendera bulbocodium) - "Merendeiras". O azafrán das meigas. Estas son de setembro: "Cando comeza a debalar o sol e xa non se lle dá a merenda ós xornaleiros"
domingo, 13 de marzo de 2016
Érbedo ou Albedro
As fotos forons sacadas en Marzo de 2016.
O alvedro, arbusto que tamén ten as voces de érbedo, medroñeiro, albeldreiro ou morateiro entre outras moitas. O nome científico é Arbutus unedo, e podemos tirar del unha información ben curiosa. Arbutus é diminutivo de arborque indica que é un arbusto, aínda que tamén pode facer referencia á súa cortiza rugosa arboix. Pola súa parte, unedo vén de unum que é un, e edo, que é comer. Arbusto do que se podecomer un, facendo referencia aos seus froitos que se deben comer en pequenas cantidades xa que cando as bagas están moi maduras teñen gran cantidade de alcol. Ervedelo, como o barrio de Ourense, díselle ao conxunto de érbedos, que teñen agora as flores xunto aos froitos que moita fauna agradece. Dicir tamén que é especie que ten unha madeira moi dura e valorada para torneiria.
sábado, 12 de marzo de 2016
venres, 19 de febreiro de 2016
As árbores salvan vidas
"Constituíndo un estudo sen precedentes, científicos do Servizo Forestal de Estados Unidos mediron a magnitude dos efectos dos bosques sobre a calidade do aire e a saúde humana. Segundo os seus cálculos, as árbores ao redor do país salvan a vida de máis de 850 persoas cada ano e preveñen ao redor de 670,000 casos de síntomas respiratorios agudos.
Desde hai tempo sábese que as árbores filtran a contaminación do aire, xa que a súa superficie intercepta as partículas nocivas. Ademais de absorber dióxido de carbono e emitir osíxeno, tamén eliminan outros gases tóxicos ó absorbelos mediante os estomas das follas, é dicir, os pequenos poros que atravesan a epidermis das plantas. Con todo, ata agora descoñecíase o valor dos efectos da vexetación no aire.
Os investigadores Dave Nowak e Eric Greenfield, xunto cos seus colegas, utilizaron simulacións computarizadas e datos ambientais locais para descubrir que as árbores e bosques en Estados Unidos foron responsables de eliminar 17.4 millóns de toneladas de contaminantes do aire en 2010. O estudo baseouse en catro contaminantes: dióxido de nitróxeno, ozono, dióxido de xofre e partículas aerodinámicas menores a 2.5 micras de diámetro.
A contaminación do aire ten graves efectos sobre a saúde, incluíndo problemas no sistemas vascular, cardíaco, respiratorio e neurolóxico. Tamén se ligou cun maior risco de padecer autismo e cancro. Debido ó perigo que representa, a OMS declarou a contaminación do aire o "risco ambiental para a saúde máis grande do mundo".
Dados os resultados, os investigadores conclúen que é de suma importancia incrementar o número de árbores nas zonas urbanas. E canto máis densos sexan os bosques, maior será a cantidade de contaminantes eliminados do aire e máis notorios os beneficios á saúde". (Muy Interesante)
luns, 15 de febreiro de 2016
Un piñeiro e un carballo convivindo xuntos
En "Canicosa de La Sierra" (Burgos) pódese atopar esta curiosa obra da natureza, un piñeiro dentro dun carballo como se fora un canguro co seu fillo na bolsa. Esta "dobre árbore" foi unha das competiron coa Metasequoia de Lourizán.
En Campolongo tivemos tamén algo semellante, estes estaban pegados e por iso lle chamábamos a "Árbore dos namorados"
En Campolongo tivemos tamén algo semellante, estes estaban pegados e por iso lle chamábamos a "Árbore dos namorados"
Subscribirse a:
Publicacións (Atom)